Klak #07 - Ikuspegi grisa

PODCASTA

Ikuspegi grisak gailentzen zaizkigu noiznahi, pandemia garaiotan zer esanik ez. Grisa bi koloreren arteko nahasketa da, bata iluna, oso iluna; eta bestea %100 argia. Grisaren bi aurpegiak bildu ditugu 7. saio honetan.

Kakotx artean

Saioari bukera eman dio Andoni Mikelarenak hausnarketa potente batekin: txipari buruz ari gara, zerbait berria balitz bezala, baina aspalditik daramagu txip bat poltsikoan.

Ez da dohakoa eta merkea erez sareetan surfeatzea. Gure harreman, izaera, gustuak… merkantilizatzeko bide ematen baitu.

Azalduta baino hobeki ulertuko duzue Andoniri zuzenean entzuna. Emaionk play!

Argiz bete dute Klaketa nahiz musikaren panorama Merina Griseko kideek. Aurpegirik gabe eta pop bortitzenarekin zirrikituak sortu dituzte bi kantu bakarrik kaleratuta.

“Saiatzen Naiz” eta “Besteek Zer” kantekin lortu dute ezagutzera ematea hirukote donistiarrak.

Konplexurik gabeko musika, basatia, sentitzen den bezalakoa, mugatu gabea.

Proiektu multidisziplinar bat dute parean, eta ez dute beharraren beharrez jorratu bide hori, artea ulertzeko duten moduagatik baizik.

Suizidioa, gai iluna benetan. Iluna izanagatik ere hitz egin beharrekoa. Gazteoi zuzenean ikutzen gaituena baita, eta ez errealitate hutsal bat.

Datuek haien kabuz hitz egiten dute. Suizidioa gazteon arteko bigarren heriotz kausa nagusia da. Kezkatzeko moduko errealitatea.

Ematen den suizidio kasu bakoitzako 20 saiakera daudela ere beste datu enpiriko bat da.

Testigantzak biltzea ezinbestekoa izan da, baina baita gaiari serioski heltzea ere. Soziologia eta Psikologiaren ikuspegitik landu dugu suizidioaren gaia beraz.