GAZTE
AHOTSA

Buruarin batzuk omen gara, ez omen dugu kontzientziarik, ez omen dugu ingurukoengan pentsatzen. Egunean titular bat, bi, hiru… arduragabeak, mimatuak, alperrak… Guri buruz ari dira behin eta berriz. Titular guztiak guri buruz dira, baina ez digu inork ezer galdetu.

Ahotsa kendu digute bai, baina inoiz eman al digute ala? 
Ez al genuen aspaldi ikasi gure kabuz hitz egiten?
Irratiak itzali eta mikrofonoak pizten,
Telebistak estali eta kaleetara jeisten?

Eta esateko?

DENETIK DUGU ESATEKO
ETA DENARI BURUZ

ZER DA KLAK?

Klak gazteon ahotsa da, gure mundua kontatzeko jaio den proiektu berria. Gazteok badugu zer esan, eta inork ez digunez mikrofonorik emango, guk geuk hartuko dugu.

Klak jarrera bat da, ematen digutenaren aurrean begirada kritikoa izatea, ahaldundu eta ahots propioz hitz egitea, iritziak partekatzea, pentsatzea, gozatzea, zalantzan jarri eta erantzunak bilatzea, elkarrekin.

Klak ekintza da, mundu berriak amestea, borroketan ekarpena egiteko tresna, kontatzea, xuxurlatzea, oihu egitea.

Baina batez ere, Klak gaztea da. Gurea da, gu geu gara Klak. Eta Euskal Herriko gazteon ispilua izango da, guk ere badugulako zer esan.

Orduan, zer da Klak? Ba guk izatea nahi duguna.

Ikusi aurkezpen osoa hemen

BAINA NOLA EGIN
GUZTI HAU?

Zure laguntza behar dugu

Klak guztiok izango bagara, guztion laguntzaz izango da. Horregatik, crowdfunding kanpaina bat abiatu berri dugu, proiektua martxan jarri eta amesten dugun hortara iristeko.

Proiektu guztien atzean dago gustatzen ez zaigun baina ezinbestekoa den alderdi ekonomikoa. Norberak ahal duen neurrian ekarpena eginez iritsiko gara proiektu berria martxan jartzeko behar ditugun 7000€etara. Eta trukean, opariak eta doako bazkidetzak jasoko dituzu, eta batez ere Klak-en parte izatearen harrotasuna.

KLK#
€10
  • Hilabeteko harpidetza DOAN
  • +
  • Mugikorrerako
  • euskarria
Ekarpena
egin
KLK@
€25
  • Bi hilabetetako
  • harpidetza DOAN
  • +
  • Bluetooth
  • bozgorailua
Ekarpena
egin
KLK!
€50
  • Hiru hilabetetako
  • harpidetza DOAN
  • +
  • Bluetooth
  • entzungailuak
Ekarpena
egin

HAU HASIERA BESTERIK EZ DA
berri gehiagotarako
JARRAITU SARE SOZIALETAN ->

Gazte bulkadetatik uhinetara

Gazteok badugu zer esan. Ahots hegemonikoei aurre egin eta lehen pertsonan hitz egin nahi dugu; gazteongatik eta gazteontzat.

Erronka berriak

Gaur egun, komunikabideak eta komunikatzeko ahalmena izatea erronka bat bilakatu dela esan dezakegu. Era berean, agerikoa da gazteok informazioa eskuratzeko zein egungo gaien berri izateko horren tradizionalak ez diren bideak (Twitter, Instagram…) nahiago ditugula. Esango nuke tresna berri horiek jende multzo handiago batengana iristea ahalbidetu dutela; baina era berean, informazioa helarazteko hutsuneak dituztela pentsatzen dut. Hala nola, albiste batek behar duen sakontasun falta. Baina aldaketa honen aurrean zer paper hartu behar dugu gazte mugimenduetatik?

Ziborgak

Teknologia gure bizitzetako ia alor guztietan sartu zaigu, agian konturatu gabe, eta agian hala izatea erabaki gabe. Gazteok umetatik ezagutu dugu teknologiaren sakontze hau, kume teknologikoak gara. Nola heldu teknologiaren adarrei gure nahi eta beharren arabera erabiltzeko? Berrikuntzaren norabidea mintzagai.

Berregin

KLAK egin dugu gazteok. Urteak daramazkigu klik-ka, sarean eleka eta eleka. Kalakak ginela bagenekien, dena jartzen dugula kolokan, hamaika kilima sumatzen ditugula sabelean. Eklektiko batzuk garela, hango eta hemengo klabeak batu ditugula, eta batzen darraigula. Koktel berriak sortzen, ziklo berri bati heldu nahirik, klasikotik aldentzen. Betiko klub, klan eta bukleetatik burua goratzen.

Sortzen gabiltza

Musikatik, artetik, bertsolaritzatik, kulturatik… gazteok bagabiltza, eta ibili nahi dugu. Sorkuntzaren bidez ere hartzen dugu ahotsa, eta ahots horrek egiten gaitu. Ziztada egiten dugu musikaren bidez, eta Ziztada dugu Irune. Zer dugu gazteok egiteko kulturgintzan? Eta zer egiten du kulturgintzak Klaken? Eta nola egin Klak sorkuntzan dabiltzan gazteek?

Guk ez!

Batzuek euskara hesiez edo sakangunez inguratuta nahi dute, ez dadin inposaturiko eremuak zeharkatzera ausart. Guk, gazte bezala, ordea, huts egingo genioke gure gazte izate horri agindu edo nahi horiei men egingo bagenie. Ez gazte izate hutsagatik, gazte euskaldunak izateagatik baizik. Zer da, bestela, Herri hau ezaugarritzen duena, ez bada mihian dena iraultzeko gogoz daramagun hori?

Klak-en berri izan nahi?
Eman izena kontaktu zerrendan