Klak #5 - Egia oholtzara

PODCASTA

Barruko korapiloak askatzeko unea da. #Lokatzetan busti eta gure kontraesanak aitortzekoa. #Klaketa|ren doinuaz konplexu eta aurreiritzien karga gainetik kentzekoa; nahi duzuna izatekoa, aktore edo antzezle. Baita #KakotxArtean oroimenari hautsa kentzekoa ere, zauriak istekoa. Martxoak 3 hura gogoan.

Aurreko batean esan genuen dena ez dela A ala B. Batzutan A-go esnatzen gara, beste batzutan guztiz AB, eta ez dakigu azaltzen zergatik. Kontraesanak dietzen diegu fenomeno horri.

Instagramen kontraesanak beharrezkoak zirela galdetu genizuen. Eta zuek kontraesanek “pentsamendu kritikorantz” garamatzatela erantzun zenuten, “hausnarketa sustatzeko balio” dutela. Baita kontraesanek “pentsamendua orekan mantentzen dutelako”.

Nerea barruaraino sartu da gaurko #Lokatzetan. Ea kontraesanen inguruko ideia koherenteren bat ekartzen duen uhinetara.

Aitor antzezlea da. Ingenieritza ikasi arren, bere bizitzako pasioarik ezin izan zion ukatu.

Bilboko Zorrotzaurre auzoan kokatuta dagoen Pabellon 6eko Gazte Konpainian egiten du lan. Lan, aktore moduan.

Aktore ezezagun izatearen inguruko aferez hitz egin digu gaurkoan. Haren inguruan dauden aurreiritzi eta informazio falta, beti bezala, tarteko. Maitanek #Klaketa eraman du gaurkoan banbalinetaraino.

Badaude gozoagoak diren urteurrenak, beste batzuk, gaziagoak. Gertakariekiko sentsibilizaziorik ez duenak ez du ulertuko nola greba batek sortutako istiluek nola sortzen duten halako sentsibilitatea urteak joan eta urteak etorri.

Martxoak 3ko sarraskian 5 lagun hil ziren, 100 inguru zauritu. Gertakari bakan bat izatetik harago, gaur egunerarte irauten duen testuinguru sozial baten erakusle izan ziren egun hartan gertatutakoak. Horrela beraz, egun horren memoria gaur egungo borroken pizgarri da. Egun hartan gertatutakoarekiko justizia, baina baita gaurko gertakariena ere.