KLAK #10 - Kantu bat gara

PODCASTA

Kantu bat gara. Iraunkorra, harria bezain gogorra. Arraroa, ikuskera anitzekoa. Baina kantu bat gara, hori ezingo du inork ukatu.

Podcast berrian gure nortasuna, bertsolaritza eta +

Kantu bat gara, bertso bat agian. Gure kulturaren zutarrietako bat izan da bertsoa. Azken urteetan baina bide eta norabide berriak arakatzen dabiltza bertsolari gazteak. Horren testigu izan den Igor Galarzarekin batera osatu dugu aste honetako #Klaketa.

Lokatzetan

Euskaldunak, euskal herritarrak, baina abertzaleak?

Kantu bat gara. Ahots askok osatua. Doinu bakar baina aldakorrekoa, gora-behera askokoa. Kantu bat da euskaldunon nortasuna, bakarra. Azken urteetan bada, euskaldun sentitzeko ikuskera ezberdinak agertu dira. #Lokatzetan putzu horretan murgilduko gara. Euskaldunak izan gaitezke abertzaleak izan gabe?